Noticias

• 26 de octubre de 2022

Kudeaketa Aurreratuaren Kongresuaren barruan, Kudeaketa laburrean lehiaketaren Sariak ere banatu ziren,

 EUSKALITen ekimena, ikus-entzunezko lengoaien bidez kudeaketa-kontakizunak berritzeko. 25 erakundek parte hartu zuten seigarren edizio honetan, ikusleek nahiz epaimahai aditu batek balioetsitako ikus-entzunezko proiektu mota guztiak aurkeztuz. Mondragon Unibertsitateko (Ikus-entzunezkoen Fakultatea), Media Attack-eko eta EUSKALIT-eko kideek osatu zuten epaimahaia.

Sei erakunde finalistak hauek izan ziren: Ahlstrom Munksjö Paper, Gorabide, Grupo Bentas, Oarsoaldea Garapen Agentzia, Bilbao Basurtu ESI-OSAKIDETZA eta Bizkaiko Osasun Mentaleko Sarea-OSAKIDETZA, Athletic Club Fundazioarekin batera.

2022ko bideo irabazlea Oarsoaldea Garapen Agentziarena izan da, Mertxe Cordeirok, gaur egun BADIA BERRIko produkzio-burua denak, bere laneratze-prozesuan gainditu izanaren testigantza jasotzen duena.

Gainera, bideo Amateur onenaren saria banatu zen, Bizkaiko Osasun Mentaleko Sarea-OSAKIDETZArentzat, Athletic Club Fundazioarekin batera, Ariketa tresna terapeutiko gisa eta osasun mentaleko kontzientziazio sozialerako obrarekin. Eta Gorabidek, Eskerrik asko #voluntariadoGorabide! bideoarekin, Publikoaren Saria jaso zuen, 600 pertsona baino gehiagoren balorazioa jaso ondoren.

Sariaren banaketa esteka honetan ikus dezakezu

Eta sei bideoak beste esteka honetan