Noticias

• 16 de enero de 2024

Emakunderen eta EUSKALITen arteko lankidetzaren barruan, Fernando Sierra, EUSKALITeko zuzendaria, eta Miren Elgarresta, Emakundeko zuzendaria, Hutchinson Intecsa automozio enpresara joan ziren, goi zuzendaritzako taldeetan emakumeen ordezkaritza berdintzeko bultzatu zuten jardunbide egokia gertutik ezagutzeko.

Oso maskulinizatuta dagoen sektore batean, non emakumeak langile guztien laurden bat diren, Hutchinsonek Berdintasun Plan bat garatu zuen, zenbakiak parekatzea lortzeko. 2019az geroztik, emakumeen ordezkaritza sustatu dute zuzendaritza-taldeetan, eta 8 zuzendaritza-taldeko pertsonetatik, egun, 4 gizon eta 4 emakume daude ( % 50-50), 2022ko martxoaren Berdintasunerako Legean agertzen den genero-kuotaren berdintasun-adierazlea gaindituta ( % 40-60).

Praktika hori "Berdintasuna Kudeaketa Aurreratuan: Tresnak eta Esperientziak VII" jardunaldian hautatu eta aurkeztu zen, 2023ko Kudeaketa Aurreratuaren Europako Astearen barruan. Hemen ikus dezakezu.

Praktika horri buruzko informazio gehiago nahi izanez gero, Berdintasun-bilatzailea bisita daiteke, eta, bertan, kudeaketan berdintasuna sustatzen duten beste 78 praktika ere eskura daitezke.